Իլոն Մասկը վաճառել է Tesla-ի բաժնետոմսերը ավելի քան մեկ միլիարդ դոլարով, որպեսզի կարողանա վճարել հարկերը

Tesla-ի հիմնադիր Իլոն Մասկն այս շաբաթ վաճառել է ընկերության իր բաժնետոմսերի ավելի քան 1,1 միլիարդ դոլարը, հայտնում է CNBC-ն։
Հաղորդվում է, որ Մասկը կարող էր վաճառել ավելի քան 930 հազար բաժնետոմս՝ հարկերից խուսափելու մեջ մեղադրվելուց հետո։ Ինչպես ընդգծում է հեռուստաալիքը, գործարարը նախկինի պես ունի ընկերության ավելի քան 170 միլիոն բաժնետոմս։ Արժեթղթերի վաճառքի մասին հայտնի է դարձել Մասկի Twitter-ում անցկացրած հարցումից հետո՝ Tesla-ի իր բաժնետոմսերի 10%-ի վաճառքի մասին, սակայն, ինչպես նշում է CNBC-ն, վաճառքը պլանավորվել էր սեպտեմբերին։

Tesla-ի հիմնադիր Իլոն Մասկը շաբաթ օրը թվիթերյան իր էջում գրել է, որ «վերջին ժամանակներս շատ է խոսվում չիրացված շահույթի մասին՝ որպես հարկերից խուսափելու գործիք», ուստի նա առաջարկում է վաճառել Tesla-ի իր բաժնետոմսերի 10%-ը և պատրաստ է որոշում կայացնել համացանցում իր հարցմանն օգտատերերի պատասխանի հիման վրա՝ «ինչ էլ որ լինի արդյունքը»։

 Մասկը նշել է, որ այլ ճանապարհ չունի վճարելու այս հարկը։ Ավելի վաղ գործարարը քննադատել էր ԱՄՆ Կոնգրեսում դեմոկրատների առաջարկած «միլիարդատերերի հարկը»։ Դրանից հետո Tesla-ի բաժնետոմսերի արժեքը նվազել է, իսկ ընկերության կապիտալիզացիան իջել է 1 տրիլիոն դոլարից: