Չինաստանն այժմ պայքարում է կորոնավիրուսի խոշորագույն բռնկման՝ Դելտա շտամի դեմ․ Reuters

Չինաստանը պայքարում է COVID-19-ի ամենամեծ բռնկման հետ, որը առաջացել է հնդկական Դելտա շտամից, հայտնում է Reuters-ը։

Գործակալության տվյալներով՝ հոկտեմբերի 17-ից նոյեմբերի 14-ն ընկած ժամանակահատվածում երկրում գրանցվել է 1 308 ներքին փոխանցվող վարակ՝ հաստատված ախտանիշներով, ավելի քան 1 280 տեղական դեպք գրանցվել է Դելտա շտամի ամառային բռնկման ժամանակ:

Նշվում է, որ սա Դելտա շտամի ամենախոշոր բռնկումն է Չինաստանում, որն ախտահարել է 21 նահանգ։ Այն ավելի փոքր է, քան այլ երկրներում տեղի ունեցած բազմաթիվ բռնկումները, սակայն Չինաստանի իշխանությունները պարտավորվել են արգելափակել վիրուսի փոխանցումը:

Նշենք, որ Չինաստանի իշխանությունները փորձում են զսպել վիրուսի տարածումը բնակիչների զանգվածային թեստավորման և հիվանդանոցների նպատակային օգտագործման միջոցով։ Չինաստանը սահմանել է ճանապարհորդության սահմանափակումներ, ուժեղացրել է ստուգումները և կոչ է արել ուժեղացնել զգոնությունը՝ վերջին բռնկումը ճնշելու նպատակով:

Ավելի վաղ Չինաստանի Վուհան քաղաքի իշխանությունները PCR թեստավորում էին անցկացրել ողջ բնակչության շրջանում այն բանից հետո, երբ քաղաքում հայտնաբերվել էին կորոնավիրուսային վարակի մի քանի նոր դեպքեր։