Էրդողանն ակնկալում է դեկտեմբերի 3-ին հեռախոսային բանակցություններ վարել Պուտինի հետ
Համաշխարհային Մամուլ
Թուրքիայի նախագահ Ռեջեփ Թայիփ Էրդողանը դեկտեմբերի 3-ին ակնկալում է հեռախոսային բանակցություններ վարել Ռուսաստանի նախագահ Վլադիմիր Պուտինի հետ, որոնց ընթացքում նա կարող է անդրադառնալ Ուկրաինայում տիրող իրավիճակին։ Այս մասին չորեքշաբթի օրը հայտարարել է Թուրքիայի արտգործնախարար Մևլութ Չավուշօղլուն ՆԱՏՕ-ի ԱԳ նախարարների հանդիպման ժամանակ։
«Մենք կապի մեջ ենք երկու կողմերի (Ռուսաստանի և Ուկրաինայի) հետ և կողմ ենք դեէսկալացիային»,֊ասել է Չավուշօղլուն։ Նա հայտարարել է Լավրովի և Կուլեբայի հետ հանդիպում անցկացնելու մտադրության մասին Ստոկհոլմում ԵԱՀԿ ԱԳ նախարարների խորհրդի նիստի շրջանակում, որը տեղի կունենա դեկտեմբերի 2-3-ը։
«Թուրքիան համարում է, որ Ռուսաստանի դեմ պատժամիջոցները չեն «լուծի խնդիրը» և չեն օգնի Ուկրաինային»,֊ասել է Չավուշօղլուն։ «Մենք հավատում ենք զսպման և երկխոսության ճիշտ հավասարակշռությանը։ Այսպիսով՝ միայն պատժամիջոցներ կիրառելով՝ հնարավոր չի լինի օգնել երկրներին»,- ասել է նա։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
