Ռուսաստանը նույնպես կարող է ներկել աշխարհի քարտեզը․ Լավրովը՝ Էրդողանի «թյուրքական աշխարհի» քարտեզի մասին

Ռուսաստանը նույնպես կարող է ներկել աշխարհի քարտեզը՝ նշելով բոլոր ցեղերի բնակության վայրերը։ Այս մասին ասել է ՌԴ արտգործնախարար Սերգեյ Լավրովը՝ մեկնաբանելով Թուրքիայի նախագահ Ռեջեփ Էրդողանին տրված նվերը՝ «թյուրքական աշխարհի քարտեզը»։ Ավելի վաղ ՌԴ նախագահի մամուլի քարտուղար Դմիտրի Պեսկովը ափսոսանք էր հայտնել, որ թյուրքական աշխարհի քարտեզի վրա, որը ներկայացվել է Էրդողանին, թյուրքական աշխարհի պատմական կենտրոն Ալթայում մեծ կարմիր աստղ չկա։

«Ոչ մի ամոթալի բան չկա ցեղակիցների հետ կապերում։ Մենք նույնպես կարող ենք ներկել աշխարհի քարտեզը՝ նշելով բոլոր այն վայրերը, որտեղ ապրում են մեր ցեղակիցները։ Դա կլինի ամբողջ հետխորհրդային տարածքը, Եվրոպայի երկրները, Հյուսիսային և Հարավային Ամերիկաները, Իսրայելը, որտեղ ապրում են ռուսները»,֊ ասել է Լավրովը։