Եղիսաբեթ II-ն սկսել է իշխանության փոխանցումը արքայազն Չարլզին. Daily Express

Եղիսաբեթ II-ն սկսել է թագավորական իշխանությունը իր որդուն՝ արքայազն Չարլզին փոխանցելու պաշտոնական գործընթացը, ասել է պատմաբան Էդ Օուենսը։ Մասնագետի խոսքով՝ թագուհու որդին գնալով ավելի շատ է փոխարինում նրան տարբեր միջոցառումների ժամանակ։ Այս մասին գրում է Daily Express-ը։

Թագուհու մահը ճգնաժամ չի առաջացնի թագավորական ընտանիքում: Իշխանության խորհրդանշական փոխանցումը Չարլզին արդեն ընթացքի մեջ է։ «Վերջերս արքայազնը հաճախ է փոխարինում մորը իրադարձությունների ժամանակ և իր վրա է վերցնում տիտղոսների նշանակումը, որով նախկինում զբաղվել էր Եղիսաբեթ II-ը»,- ասել է պատմաբանը։

Մասնագետի խոսքով՝ թագավորական ընտանիքի նկատմամբ նման մեծ հետաքրքրության պատճառ է դարձել այն, որ Եղիսաբեթ II-ը գնալով ավելի քիչ է հայտնվում հանրությանը, իսկ վերջերս հայտարարվել էր, որ նա հոսպիտալացվել է հետազոտության համար։