Ջոնսոնը խոստացել է գործի դնել բոլոր միջոցները Ուկրաինայի դեմ ագրեսիան կանխելու համար

Մեծ Բրիտանիայի, ԱՄՆ-ի, Ֆրանսիայի, Գերմանիայի և Իտալիայի առաջնորդները երկուշաբթի օրը հեռախոսազրույցում քննարկել են Ուկրաինայի շուրջ ստեղծված իրավիճակը՝ կոչ անելով Ռուսաստանին նվազեցնել լարվածության մակարդակը։ Այս մասին ասվում է Մեծ Բրիտանիայի վարչապետ Բորիս Ջոնսոնի գրասենյակի տարածած հաղորդագրության մեջ։

«Առաջնորդները կոչ են արել Ռուսաստանին նվազեցնել լարվածության մակարդակը և հաստատել են, որ աջակցում են Ուկրաինայի տարածքային ամբողջականությանը»,- ասվում է ուղերձում։ Քաղաքական գործիչները «շեշտել են միասնական ճակատ ապահովելու անհրաժեշտությունը՝ ի դեմս  ռուսական ենթադրյալ սպառնալիքների և ագրեսիայի»։