Սիրիայում «Ալ-Քաիդայի» դեմ ԱՄՆ ավիահարվածի հետևանքով՝ խաղաղ բնակիչներ են տուժել

Վեց մարդ, այդ թվում՝ մեկ երեխա է վիրավորվել Սիրիայում «Ալ-Քաիդայի» առաջնորդի դեմ ԱՄՆ-ի ավիահարվածի հետևանքով, հաղորդում է Associated Press-ը:

Ավելի վաղ Fox News-ը հայտնել էր, որ ԱՄՆ-ը դեկտեմբերի 3-ին Սիրիայում հարված է հասցրել  «Ալ-Քաիդայի» բարձրաստիճան անդամի դեմ: Զինվորականները չեն բացառել, որ հարվածի հետևանքով՝ խաղաղ բնակիչներ կարող են զոհվել։

Գործակալության տվյալներով՝ բոլոր վեց տուժածնները նույն ընտանիքի անդամներ են։ Պայթյունը, որը, ըստ երևույթին, առաջացել է հրթիռից, տեղի է ունեցել այն ժամանակ, երբ նրանք ավտոմեքենայի մեջ են եղել։

 Նշվում է, որ ավիահարվածը հասցվել է MQ-9 անօդաչու թռչող սարքից։