Իսրայելը ցնցված է «վայրի սեքսի գործի» մանրամասներից

Իսրայելում մեծ թափ է հավաքում մի շարք լուրջ սեռական հանցագործությունների հետաքննության հետ սկանդալը, որոնք տեղի են ունեցել «վայրի սեքսի բնակարաններ» անվանումը ստացած գաղտնի հասարակաց տանը: Այս մասին հաղորդում է KP.ru-ն:

Սկանդալի կենտրոնում հայտնի կրիպտո գործարար և Երուսաղեմի «Բեյթար» ֆուտբոլային ակումբի սեփականատեր Մոշե Հոգեգն է։

Իրավապահների տրամադրության տակ են հայտնվել ֆոտո և վիդեո փաստաթղթեր, որոնք ֆիքսել են մասնավոր բնակարանում տեղի ունեցած անսանձ օրգիաների մի մասը։

Հայտնի է, որ ընդհատակյա հասարակաց տուն այցելել է ինքը՝ Հոգեգը, ինչպես նաև առնվազն ևս հիսուն տղամարդ, որոնցից մի քանիսն արդեն հարցաքննվել են։ Ենթադրվում է, որ նրանց թվում կան երկրում հայտնի քաղաքական գործիչներ ու գործարարներ։

Հյուրերին «սպասարկել» են մոդելային գործակալությունից տասը աղջիկներ, որոնցից մեկն անչափահաս է եղել. տեսախցիկը ֆիքսել է նրա հետ սեռական ակտը։

«Անհնար է բառերով նկարագրել, թե ինչ էր կատարվում այդ բնակարանում», - ասել են լրագրողները, որոնք հնարավորություն են ունեցել ծանոթանալու հետաքննության նյութերին։

Սեքս-փարթիների մասնակիցները կասկածվում են մի շարք հանցագործությունների մեջ՝ սեռական ոտնձգություն, անձնական կյանքի գաղտնիության խախտում, մարդկանց թրաֆիքինգի, հասարակաց տուն կազմակերպելու, բռնի մարմնավաճառություն և այլն։

Կրիպտոարժույթներով խարդախության կասկածանքով Մոշե Հոգեգին կալանավորելու և ձերբակալելու մասին զեկույցը հայտնվել է նոյեմբերի կեսերին։ Ըստ ոստիկանության՝ ներդրողների սիստեմատիկ խաբեությունն օգնել է ձեռնարկատերին յուրացնել միլիոնավոր շեքելներ։ Ավելի ուշ դատարանը երկարացրել է գործարարի կալանքը։

Ստորգետնյա հասարակաց տան մասին տեղեկատվությունը բացահայտվել է Հոգեգիի՝ LeadCoin կրիպտոարժույթի հոր, Singulariteam-ի հիմնադիր և «Բեյթար» ֆուտբոլային ակումբի սեփականատիրոջ տնտեսական հանցագործությունների հետաքննության ընթացքում:

Դեռ հայտնի չէ, թե կոնկրետ ինչ պատիժ է կրելու նա, եթե դատարանն ապացուցի նրա մասնակցությունը ներդրողներից միլիոնավոր շեքելների գողությանը և մասնավոր հասարակաց տան կազմակերպմանը։

Նախկինում գործարարն արդեն դարձել էր սեքս-սկանդալի մասնակից. հայտնի իսրայելցի մոդելը նրան մեղադրել էր բռնաբարության մեջ, ինչը, ըստ նրա, տեղի է ունեցել անչափահաս ժամանակ։