Որտեղ տեղի կունենա «3+3» ձևաչափով առաջին հանդիպումը․ ՏԱՍՍ

«3 + 3» ձևաչափով համագործակցության հարթակի առաջին հանդիպումը՝ նվիրված Հարավային Կովկասում «խաղաղության և կայունության ապահովման» հարցերին, տեղի կունենա փոխարտգործնախարարների մակարդակով և կանցկացվի դեկտեմբերի 10-ին՝ Մոսկվայում։ Այդ մասին հինգշաբթի օրը լրագրողներին հայտնել է Թուրքիայի արտաքին գործերի նախարարությունը, գրում է ՏԱՍՍ֊ը։

«Հարավային Կովկասում կայուն խաղաղություն և կայունություն ապահովելու նպատակով Թուրքիայի նախագահ Թայիփ Էրդողանի և Ադրբեջանի նախագահ Իլհամ Ալիևի առաջարկած «3 + 3» ձևաչափով տարածաշրջանային համագործակցության հարթակի առաջին հանդիպումը տեղի կունենա 2021 թվականի դեկտեմբերի 10-ին՝ Մոսկվայում»,- հայտնել է թուրքական աղբյուրը։ -Նիստին կմասնակցեն Ադրբեջանի, Հայաստանի, Ռուսաստանի և Իրանի փոխարտգործնախարարները»։

Ավելի վաղ Ադրբեջանի և Թուրքիայի ղեկավարներ Իլհամ Ալիևը և Թայիփ Էրդողանը հանդես էին եկել Լեռնային Ղարաբաղի հարցով համագործակցության վեցակողմ ձևաչափի և Անդրկովկասում տնտեսական և տրանսպորտային կապերի ապաշրջափակման հարցով հանդիպում ունենալու առաջարկով։ Ռուսաստանն ու Իրանը ողջունել էին այս գաղափարը, Վրաստանը հայտարարել էր, որ չի ծրագրում մասնակցել այս տարածաշրջանային նախաձեռնությանը, բայց Բաքվին և Երևանին առաջարկում է բանակցությունների՝«եռյակի» տեսքով իր ձևաչափը՝ խաղաղությունը պահպանելու համար, գրում է պարբերականը։