Թրամփը հայհոյել է Նեթանյահուին՝ մեղադրելով դավաճանության մեջ
Համաշխարհային Մամուլ
ԱՄՆ նախկին նախագահ Դոնալդ Թրամփը անպարկեշտ արտահայտություններ, հայհոյանքներ է հնչեցրել Իսրայելի նախկին վարչապետ Բենիամին Նեթանյահուի հասցեին և ասել, որ ինքը չի շփվել նրա հետ այն պահից հետո, երբ վերջինս Ջո Բայդենին շնորհավորել է ընտրություններում հաղթանակի կապակցությամբ։
«Առաջինը, ով շնորհավորեց Բայդենին, Բիբի Նեթանյահուն էր՝ մի մարդ, ում համար ես ավելին եմ արել, քան որևէ մեկի համար։ Բիբին կարող էր լռել: Դա սարսափելի սխալ էր»,֊ ասել է Թրամփը Axios-ի թղթակից Բարաք Ռավիդին տված հարցազրույցում, ով նախկին նախագահի հետ երկու զրույցների հիման վրա գրել է «Թրամփի աշխարհը. Աբրահամյան համաձայնագրերը և Մերձավոր Արևելքի վերակառուցումը» գիրքը։
Նեթանյահուի՝ Բայդենին ուղղված շնորհավորական ուղերձի տեսագրությունը Թրամփին ցուցադրել է նրա կինը՝ Մելանյան։
«Այդ ժամանակվանից ես նրա հետ չեմ խոսել, նա անցյալում է»,- ասել է ԱՄՆ նախկին նախագահը։
Թրամփը հավելել է, որ ի տարբերություն Իսրայելի վարչապետի՝ Ռուսաստանի առաջնորդ Վլադիմիր Պուտինը և Բրազիլիայի նախագահ Ժաիր Բոլսոնարոն անմիջապես չեն շնորհավորել Բայդենին, քանի որ «զգացել են, որ ընտրությունները կեղծված են»։
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
