Հայ-թուրքական հարաբերությունների կարգավորումն էապես կմեծացնի տարածաշրջանում Թուրքիայի ազդեցությունը. Stratfor

Հայ-թուրքական հարաբերությունների կարգավորումն էապես կմեծացնի տարածաշրջանում Թուրքիայի ազդեցությունը, գրում է Stratfor-ը։

«Անհասկանալի է՝ արդյոք կլինի հարաբերությունների լիարժեք կարգավորում, քանի որ երկրներից ոչ մեկ չի ցանկանում փոխել իր դիրքորոշումը Հայոց ցեղասպանության ճանաչման հարցում։ Սակայն հարաբերությունների կարգավորումը կբացի երկրների միջեւ փակ սահմանները, տնտեսական օգուտ կբերի երկու կողմերին եւ էապես կմեծացնի տարածաշրջանում Թուրքիայի ազդեցությունը։

Բանակցություններն ինքնին ազդարարում են, որ Ռուսաստանը պետք է ավելին անի Հայաստանի համար, եթե հույս ունի դանդաղեցնել իր ազդեցության անկումը Հարավային Կովկասում, իսկ Թուրքիան օգտագործում է բանակցությունները՝ Ադրբեջանին զսպելու տրանսպորտի եւ սահմանազատման շուրջ բանակցություններում Հայաստանի նկատմամբ չափազանց շատ պահանջներից։ 

Այս քայլը կարող է նպաստել Թուրքիայի եւ Արեւմուտքի հարաբերությունների բարելավմանը, հատկապես Անկարայի եւ Վաշինգտոնի միջեւ, քանի որ ԱՄՆ կառավարությունը տարիներ շարունակ Թուրքիային կոչ է անում բարելավել հարաբերությունները Հայաստանի հետ: Թուրքիայի կառավարությանն անհրաժեշտ է ֆինանսական եւ քաղաքական աջակցություն, որը կարող է ստանալ այնպիսի հզոր գործընկերներից, ինչպիսիք են ԱՄՆ-ն եւ Եվրամիությունը, որոնք կգնահատեն Թուրքիայի գործողությունները ռազմական գործողությունների առանցքային թատերաբեմում Ռուսաստանին հակազդելու գործում»,-գրում է պարբերականը։