Թրամփի նախկին փաստաբանը դատի է տվել նրան

ԱՄՆ նախկին նախագահ Դոնալդ Թրամփի նախկին փաստաբան Մայքլ Քոհենը դատի է տվել նրան և ԱՄՆ դաշնային կառավարությանը՝ մեղադրելով նրան բանտարկելու դավադրության մեջ, որը պատճառաբանվում է նրանով, որ  Քոհենը սկսել է աշխատել իր գրքի վրա, գրում է New York Daily News-ը։

Քոհենը երեք տարվա ազատազրկման է դատապարտվել ֆինանսական և այլ խախտումների համար։ Մայիսին նա ազատ էր արձակվել տնային կալանքիից՝ կապված կորոնավիրուսի համաճարակի հետ։ Սակայն դրանից հետո Քոհենը սկսեց հայտնվել Նյու Յորքի փողոցներում ու տեղի ռեստորաններում։ Հուլիսի 9-ին նրան վերադարձրեցին բանտ։ Այնուհետև դատարանը հրամայեց Քոհենին կրկին ազատել բանտից:

Հրատարակության համաձայն՝ հինգշաբթի օրը Նյու Յորքի Մանհեթենի դաշնային դատարան ներկայացված հայցը պնդում է, որ նրա վերադարձը բանտ կապված է Թրամփի մասին գրքի վրա իր աշխատանքի հետ։ Ըստ թերթի՝ Քոհենը վնասի փոխհատուցում է պահանջում ԱՄՆ նախկին նախագահից և կառավարությունից։ Այս դեպքում փոխհատուցման չափը նշված չէ։ Ինչպես նշվում է, նախկին գլխավոր դատախազ Ուիլյամ Բարը նույնպես հայցում է հանդես գալիս՝ որպես պատասխանող։