Fox News. Պուտինը «շախ ու մատ» կհայտարարի Բայդենին
Համաշխարհային Մամուլ
ՌԴ նախագահ Վլադիմիր Պուտինը ԱՄՆ նախագահ Ջո Բայդենին «շախ ու մատ» կանի։ Նման կարծիք է հայտնել ԱՄՆ բանակի պաշտոնաթող գեներալ-լեյտենանտ Կիտ Քելոգը, հայտնում է Fox News-ը։
Նրա խոսքով՝ Ռուսաստանի ղեկավարը ստրատեգ խաղացող է։ ԱՄՆ-ում չորս նախագահների պաշտոնավարման տարիներին, նշել է փորձագետը, Պուտինը կատարելագործել է իր շախմատային խաղը ազգային ռազմավարության ոլորտում։ Նա ենթադրել է, որ «շախմատի մրցաշարը», որը Պուտինն այժմ անցկացնում է Բայդենի հետ, «աշխարհում ամենավտանգավորը կլինի Սառը պատերազմի ավարտից հետո»։
Միևնույն ժամանակ, ըստ Քելոգի, Սպիտակ տան ղեկավարը «շաշկի» է խաղում, չի կարողանում ստրատեգիկ մտածել և կիսատ-պռատ է գործում, որը միևնույն ժամանակ չի հանգեցնի միջազգային ասպարեզում առճակատման և թույլ չի տա, որ կորցնի իր դեմքը ներքաղաքական հակառակորդների առաջ:
Պաշտոնաթող գեներալը նաեւ կարծիք է հայտնել, որ Բայդենին չի հաջողվի «հեռանալ» Պուտինի հետ լուրջ խոսակցությունից։ ԱՄՆ նախագահը գտնվում է ինչպես ամերիկյան վերնախավի, այնպես էլ հանրության խիստ ճնշման տակ, հավելել է փորձագետը։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
