Ինչպես ստիպել Ռուսաստանին հարգել Բայդենին․ The Wall street journal

Ամերիկյան իշխանությունները պետք է ճնշում գործադրեն Իրանի վրա միջուկային գործարքի հարցում, որպեսզի Ռուսաստանն ու Չինաստանը սկսեն լրջորեն վերաբերվել Միացյալ Նահանգների նախագահ Ջո Բայդենին։ Այս մասին The Wall Street Journal-ի սյունակում գրում է Ջորջ Բուշի նախկին ճառագիր Ուիլյամ Մակգերնը։

«Բայդենը ոչ միայն հիանալի հնարավորություն ունի կանխելու Թեհրանում միջուկային ռումբի հայտնվելը, այլև ստիպելու Ռուսաստանի նախագահ Վլադիմիր Պուտինին և Չինաստանի նախագահ Սի Ցզինպինին երկու անգամ խորհել՝ նախքան միջազգային ասպարեզում քայլեր ձեռնարկելը»,- ասել է հեղինակը։

Նրա կարծիքով՝ այս պահին Սպիտակ տան ոչ մի հռետորաբանություն չի կարող համոզել Պեկինին կամ Մոսկվային շեղվել ընտրված արտաքին քաղաքական կուրսից, ինչը վկայում է Բայդենի հեղինակության պակասի մասին համաշխարհային առաջնորդների շրջանում։

Այսպիսով՝ Մակգերնն առաջարկում է Իսրայելին տրամադրել լրացուցիչ զենք, որպեսզի Թել Ավիվը կարողանա հարձակվել Իրանի ռազմավարական օբյեկտների, մասնավորապես՝ նավթի պահեստավորման օբյեկտների վրա։