Պենտագոնի զինվորականները պատվաստումներից հրաժարվելու համար չեն պատժվի

ԱՄՆ դաշնային դատավորը նախնական արգելք է հրապարակել՝ մերժելով Պաշտպանության նախարարությանը պատժել ռազմածովային ուժերի անձնակազմին, ովքեր հրաժարվում են ստանալ կորոնավիրուսի դեմ պատվաստանյութը, հայտնում է Washington Post-ը:

Վճիռը կայացվել է այն բանից հետո, երբ ոչ առևտրային First Liberty ինստիտուտը, նավատորմի 35 անձնակազմի և երեք պահեստայինների անունից, նոյեմբերին հայց ներկայացրեց ԱՄՆ նախագահ Ջո Բայդենի, պաշտպանության նախարար Լլոյդ Օսթինի, նավատորմի քարտուղար Կառլոս դել Տորոյի և պաշտպանության նախարարության դեմ՝ պայմանագրում պարտադիր պատվաստման մասին կետի համար։ Աշխատակիցները պահանջում էին իրենց ազատել պատվաստումներից՝ առանց հետագա աշխատանքից ազատվելու սպառնալիքի։
Համաձայն շրջանային դատավոր Ռիդ Օ'Քոնորի՝ համաճարակը կառավարությանը իրավունք չի տալիս խախտել յուրաքանչյուր ամերիկացու ազատությունները, և զինվորականներն իրավունք ունեն խուսափել պատվաստումներից՝ կրոնական պատճառներով:

Ավելի վաղ՝ օգոստոսի 25-ին, ԱՄՆ պաշտպանության նախարար Լլոյդ Օսթինը կարգադրել էր անհապաղ սկսել ԱՄՆ բոլոր զինվորականների ամբողջական պատվաստումը COVID-19-ի դեմ։