ԱՀԿ-ն զբոսաշրջությանը նոր մղձավանջ է խոստանում
Համաշխարհային Մամուլ
«Օմիկրոնն, այնուամենայնիվ, մահացու է»,- այսպես է ԱՀԿ գլխավոր տնօրեն Թեդրոս Ադհանոմ Գեբրեյեսուսը վախեցրել «հյուծված» զբոսաշրջությանը։ Ելույթ ունենալով Ժնևում նոր՝ 2022 թվականի առաջին ասուլիսում, նա ասել է, որ Օմիկրոնը չի կարող դասակարգվել՝ որպես «հեշտ» հաղթահարելի վիրուս, թեև պրակտիկան ցույց է տալիս, որ այն սովորաբար այդպես է ընթանում։
Գեբրեյեսուսն ընդգծել է, որ համաճարակի սկզբից ի վեր՝ Covid-19-ի դեպքերի ամենամեծ թիվը գրանցվել է անցած շաբաթ։ Եվ, ինչպես հավելել է ԱՀԿ ղեկավարը, թեև Օմիկրոն տարբերակը Դելտայի համեմատ ավելի մեղմ ընթացք ունի, հատկապես պատվաստված մարդկանց մոտ, բայց դա շատ մտահոգիչ նորություն է։
«Ինչպես նախորդ տարբերակները, Օմիկրոնը հոսպիտալացնում և սպանում է մարդկանց: Օմիկրոնը ստեղծում է ցունամիի էֆեկտ, տարածվում է շատ արագ և ազդում առողջապահական համակարգերի վրա ամբողջ աշխարհում»,- հավելել է Գեբրեյեսուսը:
Միևնույն ժամանակ, ԱՀԿ-ի՝ Covid-19-ի դեմ պայքարի խմբի ղեկավար Մարիա Վան Կերխովեն ընդգծել է, որ առկա բոլոր պատվաստանյութերն արդյունավետ են այս տարբերակի դեմ։ Նա ընդգծել է, որ Օմիկրոնի «թեթևությունը» հիմնականում կարելի է բացատրել նրանով, որ շատերն արդեն պատվաստվել են։ Այնուամենայնիվ, Օմիկրոնը չի լինի Covid-19-ի վերջին տարբերակը, «վիրուսը շարունակում է զարգանալ, և Օմիկրոնը վերջին տարբերակը չէ», - ավելացրել է նա:
Ամենադիտված 
Մնաս բարյավ. Րաֆֆի Հովհաննիսյան
