Ռուսաստանը ռազմական ուղղաթիռներ է տեղակայում Ուկրաինայի հետ սահմանին. NYT

The New York Times-ը հայտնել է, որ ռուս զինվորականները, իբր, ռազմական ուղղաթիռներ են տեղակայել Ուկրաինայի հետ սահմանին, գրում է Gazeta.ru-ն։

Հրապարակումը վկայակոչում է ամերիկացի պաշտոնյաներին։ Նրանց տեղեկություններով՝ Ռուսաստանը շարունակում է իր ուժերը կուտակել ռուս-ուկրաինական սահմանին։ ԱՄՆ հետախուզությունը չի վստահում Ռուսաստանի նախագահ Վլադիմիր Պուտինի՝ Ուկրաինայի տարածք ներխուժելու ցանկության բացակայության մասին հայտարարություններին։

Նաև ԱՄՆ կառավարությունը սկսել է ավելի շատ ուշադրություն դարձնել տարածաշրջանի օդերևութաբանական իրավիճակին, քանի որ, ըստ կառույցի ներկայացուցիչների, Ռուսաստանը չափազանց սահմանափակ «պատուհան» ունի «ներխուժման» համար, քանի որ ձյան հալոցքը կսկսվի մարտին, որը կարող է խոչընդոտել ռազմական տեխնիկայի առաջխաղացմանը:

Բացի այդ, ԱՄՆ կառավարությունը շահագրգռված է այն տեղեկատվության հնարավոր հաստատմամբ, թե իբր Ռուսաստանը միջուկային զենքը վերահղել է դեպի Ուկրաինայի սահմաններ։