Bloomberg-ը զգուշացրել է Եվրոպային գազի գնի պատճառով «մեծ խնդիրների» մասին
Համաշխարհային Մամուլ
Եվրոպական երկրները ձգտում են նվազեցնել գազի արժեքը սպառողների համար, սակայն կառավարությունների ջանքերը բավարար չեն այդ նպատակին հասնելու համար, ինչը կարող է հանգեցնել մեծ խնդիրների, գրում է Bloomberg-ը՝ վկայակոչելով հարցված ֆինանսիստներին։
Նշվում է, որ գազի ներկայիս թանկացումը (նախորդ տարվա համեմատ` եռակի) և էլեկտրաէներգիայի թանկացումը պատմության մեջ ամենածանր էներգետիկ ճգնաժամերից է։ Ռիսկի տակ են բազմաթիվ ընտանիքներ, որոնք չեն կարողանա կատարել իրենց կոմունալ վճարումները:
Հրատարակության համաձայն՝ ԵՄ երկրները փորձում են շտկել իրավիճակը։ Մասնավորապես, ԵՄ շատ անդամներ բնակիչներին տալիս են նպաստներ և փոխհատուցումներ, ինչպես նաև սուբսիդավորում են էներգետիկ ընկերություններին: Մեծ Բրիտանիան, իր հերթին, դեռ չի կարողացել հաստատել քաղաքացիներին տրամադրվելիք ուղղակի օգնության հնարավորությունը, իսկ Գերմանիայում ներքաղաքական բախումներ են տեղի ունենում Օլաֆ Շոլցի կառավարության (աջակցում է վճարումների ապահովման միջոցառմանը) և Ազատ դեմոկրատական կուսակցության անդամների միջև (աջակցում են բիզնեսին և կոչ անում զսպել ծախսերը):
Այնուամենայնիվ, ըստ հրապարակման, 2022 թվականին եվրոպացի ընտանիքների մոտ միջինում կտրուկ կավելանան էլեկտրաէներգիայի ծախսերը՝ 54 տոկոսով՝ 2020 թվականի համեմատ։
Միևնույն ժամանակ, ԵՄ առաջնորդները ձգտում են իրականացնել «կանաչ անցում» դեպի մաքուր էներգիայի աղբյուրներ, ինչը կտրուկ կբարձրացնի ծախսերը, և որոշ քաղաքական գործիչներ կոչ են անում ակտիվ ֆինանսավորել նման բնապահպանական ծրագրերը:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
