Ռուսաստանը և Ուկրաինան դեմ չեն բանակցություններում Թուրքիայի միջնորդությանը. Reuters
Համաշխարհային Մամուլ
Ռուսաստանն ու Ուկրաինան կարող են դիտարկել Թուրքիայի մասնակցության գաղափարն իրենց միջև հակամարտության կարգավորման գործում: Այս մասին, Gazeta.ru-ի փոխանցմամբ, հայտնում է Reuters-ը՝ վկայակոչելով թուրք դիվանագետների շրջանում իր աղբյուրներին։
«Ե՛վ Ռուսաստանը, և՛ Ուկրաինան դրական են վերաբերվում Թուրքիայի միջնորդությանը»,- ասել է գործակալության զրուցակիցներից մեկը։
Ավելի վաղ Թուրքիայի նախագահ Թայիփ Էրդողանը հաստատել էր Անկարայի ցանկությունն իր տարածքում ընդունել Ռուսաստանի նախագահ Վլադիմիր Պուտինի և Ուկրաինայի նախագահ Վլադիմիր Զելենսկու հանդիպումը։
Նա ընդգծել էր, որ «մեծ նշանակություն է տալիս ինչպես Պուտինի այցին Թուրքիա, այնպես էլ (իր) ապագա այցին Ուկրաինա»։ Միաժամանակ նա չի հստակեցրել, թե երբ կարող է տեղի ունենալ ՌԴ նախագահի հաջորդ այցը հանրապետություն։
Մինչ այդ հայտնի դարձավ, որ Թուրքիան նախատեսում է բանակցություններ կազմակերպել Ռուսաստանի և Ուկրաինայի միջև մինսկյան համաձայնագրերի շուրջ։ Դրանք նախատեսվում է անցկացնել Ստամբուլում։
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
