ԱՄՆ-ն հրաժարվում է զիջումների գնալ Ռուսաստանի հետ անվտանգության հարցերում

ԱՄՆ վարչակազմը մտադիր չէ որևէ զիջման գնալ Ռուսաստանին անվտանգության երաշխիքների հարցում, քանի որ բանակցություններում առաջընթացը հնարավոր է միայն փոխադարձ քայլերի հիման վրա, ասել է Պետդեպարտամենտի խոսնակ Նեդ Փրայսը։ 

«Այստեղ առանցքային կետն այն է, որ մեր ցանկացած քայլ զիջում չի լինի, դրանք պետք է արվեն փոխադարձ հիմունքներով: Սա նշանակում է, որ Ռուսաստանը նույնպես պետք է ինչ-որ բան անի մեր անվտանգությունն ապահովելու համար», - ասել է նա։

Փրայսը հավելել է, որ Վաշինգտոնը զգուշորեն կխորհրդակցի գործընկերների, այդ թվում՝ Ուկրաինայի հետ՝ նախքան նման քայլեր ձեռնարկելը։ «Մենք լիովին թափանցիկ ենք մեր ուկրաինացի գործընկերների հետ քննարկվող հարցերի և նման փոխգործակցության արդյունքում առաջընթացի առնչությամբ»,- ասել է Պետդեպարտամենտի ներկայացուցիչը։