ԱՄՆ-ում նշել են այն ռուսական զենքը, որը կարող է ոչնչացնել Ուկրաինան

Ուկրաինայի հետ «պատերազմի» դեպքում Ռուսաստանի գլխավոր առավելությունը կդառնան Ռուսաստանի Սևծովյան նավատորմի սուզանավերը, որոնք կարող են գրեթե ցանկացած պահի հարվածներ հասցնել թշնամու նավատորմի վրա։ Այս մասին գրել է լրագրող Դեյվիդ Էքսը՝ Forbes ամսագրի հոդվածում։

Այժմ Ռուսաստանը Թուրքիայից հետո աշխարհում երկրորդ երկիրն է, որն ունի Սև ծովում ամենահզոր սուզանավերի նավատորմը։ Ուկրաինան ընդհանրապես սուզանավ չունի:

Նրա խոսքով՝ Ռուսաստանը կարող էր սուզանավեր օգտագործել ոչ միայն ուկրաինական նավատորմի դեմ պայքարում, այլեւ Ուկրաինայի տարածքում զինվորականների վայրէջքի համար։ Ի թիվս այլ բաների, սուզանավերը կարող են կանգ առնել ուկրաինական ափերի մոտ, որտեղից կարող են արձակել թեւավոր հրթիռներ, որոնք կարող են ոչնչացնել երկրի խորքերում գտնվող թիրախները։

«Ուկրաինացիները, իրենց նոր «Նեպտուն» հականավային հրթիռներով և TB-2 անօդաչու թռչող սարքերով, որպես թիրախներ, լիովին անզոր չեն ռուսական վերգետնյա նավերի դեմ: Բայց նրանք ոչինչ չեն կարող անել ռուսական սուզանավերի հետ կապված»,- գրել է լրագրոը։