ՌԴ Արխանգելսկի մարզում հրդեհի հետևանքով՝ մահացել են մայրը և չորս երեխաները
Ռուսաստան
Նախորդ գիշերը ՌԴ Արխանգելսկի մարզի Պլեսեցկ գյուղի բնակչուհին և նրա չորս մանկահասակ երեխաները մահացել են փայտե շենքում բռնկված հրդեհի հետևանքով, հարուցվել է քրեական գործ։ Այս մասին հայտնել է ՌԴ Քննչական կոմիտեին։
«Այս գիշեր հրդեհ է բռնկվել Պլեսեցկ գյուղի փայտե շենքի բնակարաններից մեկում, որի տեղայնացման ժամանակ հայտնաբերվել են 37-ամյա կնոջ և նրա 3-12 տարեկան չորս մանկահասակ երեխաների դիերը: Նրանց մահվան նախնական պատճառը այրվող նյութերից թունավորումն է: Այդ փաստով հարուցվել է քրեական գործ»,- ասված է հաղորդագրությունում։
Քննությունից ստացված նախնական տեղեկություններով՝ ընտանիքը եղել է սոցիալապես անապահով վիճակում։ Հրդեհի դիտարկված տարբերակներից մեկը բազմազավակ ընտանիքի բնակարանում էլեկտրական վառարանի անսարքությունն է։ Շենքի մյուս բնակիչները չեն տուժել։
ՈՒՂԻՂ ԵԹԵՐ
Ամենադիտված 
«Խոպան գնալուց առաջ գնացել էին աներոջ տուն՝ հաջող անելու». մանրամասներ վթարից մահացած ընտանիքի մասին
