ԱՄՆ-ում ձերբակալել են Բայդենի դեմ մահափորձ պլանավորած տղամարդուն. New York Post

ԱՄՆ-ում Կանզասի մի բնակիչ կալանավորվել է ԱՄՆ նախագահ Ջո Բայդենին սպանելու սպառնալիքի մեղադրանքով, գրում է Daily Beast-ը՝ վկայակոչելով դատական ​​փաստաթղթերը, փոխանցում է «ՌԻԱ Նովոստի»-ն:

Պարբերականի տվյալներով՝ կալանավորված Սքոթ Մերիմանը պատմել է, որ Աստված իբր իրեն պատվիրել է գնալ Վաշինգտոն եւ «կտրել օձի գլուխն ազգի սրտում»։

Ինչպես գրում է New York Post-ը, Կանզասի ոստիկանությունն ավելի վաղ հայտնել էր Գաղտնի ծառայությանը, որ Մերիմանը զանգահարել է իրենց եւ ասել, որ դեպի Վաշինգտոն տանող ճանապարհին է՝ «նախագահին տեսնելու» համար: Նա իրավապահներին ասել է, որ գնում է Սպիտակ տուն, որպեսզի ասի Բայդենին, որ մարդիկ «հոգնել են երկրի պառակտումից եւ որ նա պետք է Աստծուն վերադառնա»: Մերիմանը նաեւ մի շարք գրառումներ է կատարել ֆեյսբուքյան իր էջին՝ «ավելի սպառնալից արտահայտություններ» օգտագործելով:

Գաղտնի ծառայության աշխատակիցները Մերրիմանին ձերբակալել են չորեքշաբթի օրը ռեստորանի կայանատեղիում, երբ նա ավտոմեքենայով Կանզասից Մերիլենդ էր գնում:

Նրա մոտ հայտնաբերվել է բեռնված պահարան և օպտիկական խողովակ՝ թիրախները դիտարկելու համար։

Ըստ New York Post-ի՝ ուրբաթ նրա դեմ քրեական գործ է հարուցվել։