Գերմանիային կոչ են արել ռազմական աջակցություն ցուցաբերել Ուկրաինային

Էստոնիայի վարչապետ Կայա Կալլասը Գերմանիային կոչ է արել աջակցել Ուկրաինային սահմաններում ստեղծված լարված իրավիճակում, որտեղ «Ռուսաստանը կենտրոնացնում է իր տասնյակ հազարավոր զինուժը»։
Ավելի վաղ Էստոնիայի պաշտպանության նախարար Կալլե Լաանետը հայտարարել էր, որ իր երկիրը պատրաստ է Ուկրաինային տրամադրել Javelin հակատանկային հրթիռներ և 122 միլիմետրանոց հաուբիցներ, որոնք արտադրվել են ԳԴՀ-ում և վաճառվել Ֆինլանդիային Գերմանիայի վերամիավորումից հետո։ Էստոնիան հաուբիցներ է գնել Ֆինլանդիայից 2009 թվականին։ Այնուամենայնիվ, նախքան վերջնական որոշում կայացնելը, զենքի մատակարարումը պետք է թույլատրվի դրանց ծագման երկրում: ԱՄՆ Պետդեպարտամենտը թույլ է տվել Ուկրաինային ամերիկյան արտադրության զենք մատակարարել։ Խոսքը Stinger շարժական զենիթահրթիռային համակարգերի, ինչպես նաև Javelin հակատանկային համակարգերի մասին է։

«Մենք կոչ ենք անում մեր գերմանացի գործընկերներին լսել ուկրաինացիներին: Ուկրաինան օգնություն է խնդրել: Այս երկիրը ագրեսորից պաշտպանվելու համար աջակցության կարիք ունի», - երկուշաբթի օրը հրապարակված գերմանական Bild տաբլոիդին տված հարցազրույցում ասել է Կալլասը: