ԱՄՆ-ում բացատրել են, թե ինչու Ռուսաստանը չի ներխուժում Ուկրաինա

CNN-ը հաղորդում է, որ Ռուսաստանում որոշ պաշտոնյաներ մտահոգություն են հայտնում Ուկրաինա «ներխուժման» դժվարության և արժեքի վերաբերյալ, փոխանցում է Gazeta.ru-ն։

Ինչպես նշել է ամերիկյան հեռուստաալիքը՝ վկայակոչելով հետախուզությանը ծանոթ չորս աղբյուրներ, Ռուսաստանում ոմանք կարծում են, որ Ուկրաինայում հնարավոր արշավի գինը կարող է շատ ավելի բարձր լինել, քան նախկինում գնահատվում էր։ Հաղորդվում է նաեւ, որ ռուս զինվորականները եւ հատուկ ծառայությունների ներկայացուցիչները դժգոհ են եղել արեւմտյան ԶԼՄ-ների ու պաշտոնյաների կողմից «Մոսկվայի պլանների» մասին տեղեկատվության հրապարակումից։

Հեռուստաալիքի տվյալներով՝ Ռուսաստանում որոշ զինվորականներ լիովին չեն հասկանում առաջիկա «հարձակման» «խաղի պլանը»։ Միևնույն ժամանակ, լրագրողները նշում են Ուկրաինայի հետ սահմանին ռուսական ուժերի ակտիվ պատրաստությունը՝ պնդելով, որ անհրաժեշտ անձնակազմի և սպառազինության մոտավորապես 70%-ն արդեն տեղակայվել է։