Պեսկովը ուկրաինացիներին խորհուրդ է տվել զարթուցիչ դնել Ռուսաստանի «ներխուժումը» բաց չթողնելու համար

Կրեմլը հեգնանքով մեկնաբանել է առավոտյան Ուկրաինա ռուսական «ներխուժման» մասին արևմտյան մի շարք լրատվամիջոցների հաղորդագրությունները։ ՌԴ նախագահի մամուլի քարտուղար Դմիտրի Պեսկովն առաջարկել է ուկրաինացիներին դրա համար զարթուցիչ դնել։
Բրիտանական տաբլոիդները նախօրեին նշել են «Ուկրաինա ներխուժելու» ժամանակը։ Ենթադրաբար դա տեղի կունենա չորեքշաբթի գիշերը՝ տեղական ժամանակով ժամը երեքին։ Այս մասին, մասնավորապես, գրել է Mirror-ը՝ հղում անելով ամերիկյան հետախուզական ծառայությունների աղբյուրներին, որոնք այդ մասին հայտնել են Կիևում հրատարակության աշխատակիցներին։ The Sun-ը նշել է առավոտյան ժամը 3:00-ը՝ որպես «ամենահավանական ժամանակ»՝ վկայակոչելով ԱՄՆ հետախուզությանը:
«Ավելի լավ է՝  նրանք զարթուցիչներ դնեն և իրենք իրենց աչքով դա տեսնեն»,- ասել է Պեսկովը՝ պատասխանելով այն հարցին, թե արդյո՞ք ուկրաինացիները պե՞տք է անհանգստանան, թե՞ այսօր կարող են հանգիստ քնել: