Մակրոնի կինը դատի է տվել իր սեռափոխության մասին լուրեր տարածողներին

Ֆրանսիայի նախագահ Էմանուել Մակրոնի կինը՝ Բրիջիթը, դատական ​​հայց է ներկայացրել երկու կանանց դեմ, որոնք լուրեր են տարածել իր սեռափոխության մասին։ Այս մասին գրում է LN24 հրատարակությունը։

Փարիզի դատարանում լսումները կսկսվեն հունիսի 15-ին։ Ֆրանսիայի առաջնորդի կինը անանուն կանանց մեղադրել է անձնական կյանք ներխուժելու և իր ​​իրավունքները ոտնահարելու մեջ։

Առաջին տիկնոջ խոսքով՝ այդ կանայք աշխատել են տեղեկատու կայքերում իր ծագումնաբանական տվյալները փոխելու ուղղությամբ։ Ծայրահեղ աջ քաղաքական ուժերի կողմնակիցները Ֆրանսիայի առաջնորդի կնոջը սեռափոխության մեջ կասկածում էին դեռ 2021 թվականին։

Նրանք սկսել են ակտիվորեն հրապարակել այս թեմայով գրառումներ սոցիալական ցանցերում։ Մասնավորապես, լուրերի հեղինակները պնդում են, որ Բրիջիթ Մակրոնը ծնվել է Ժան-Միշել Տրոնյե արական անունով։ Նշվում է, որ Տրոնյեն նախագահի կնոջ օրիորդական անունն է։