ԱՄՆ հատուկ ջոկատայինները լքել են Ուկրաինան. CNN

ԱՄՆ հատուկ ջոկատայինները լքել են Ուկրաինան՝ ամերիկացի դիվանագետներին Լեհաստան ուղեկցելուց հետո։ Այս մասին հայտնում է CNN-ը։

«ԱՄՆ հատուկ ջոկատայինները լքել են Ուկրաինան… Նրանց վերջին առաքելությունը եղել է երեկ երեկոյան ԱՄՆ դեսպանատան անձնակազմին Լեհաստան ուղեկցելը»,- գրել է հեռուստաալիքի թղթակիցն իր Twitter-ում։

Ավելի վաղ Լեհաստանի փոխարտգործնախարար Պավել Յաբլոնսկին տեղական ռադիոյով ասել էր, որ նոր զինվորականների ժամանումը հանրապետություն և լրացուցիչ ամերիկյան ստորաբաժանումներ ընդունելու պլանները իշխանությունների կողմից ակտիվորեն քննարկվում են ԱՄՆ ներկայացուցիչների հետ։

Լեհաստանի ԱԳՆ ներկայացուցիչը հավելել էր, որ նոր ստորաբաժանումների ժամանումը իրենց երկրի տարածք շատ հավանական է։ Փետրվարի 20-ի նախօրեին հաղորդվել էր, որ վերջերս Լեհաստան ժամանած ամերիկացի զինվորները զորավարժություններ են սկսել Ուկրաինայի հետ սահմանի մոտ։ Այս մասին հայտարարել էր հանրապետության ազգային պաշտպանության նախարար Մարիուշ Բլաշակը։