Գերմանիան հավանություն է տվել Ուկրաինային զենքի մատակարարմանը. Politico

Գերմանիայի կանցլեր Օլաֆ Շոլցը գործընկեր երկրներին թույլ է տվել Ուկրաինային գերմանական արտադրության զենք մատակարարել։ Այս մասին հայտնում է  Politico-ն՝ վկայակոչելով աղբյուրներին։

Գերմանիան Նիդեռլանդներին թույլ է տվել 400 հրթիռային նռնականետ ուղարկել Ուկրաինա՝ օգնելու պայքարել ռուս զինվորականների դեմ։ Դա վկայում է Բեռլինի ռազմական քաղաքականության կտրուկ փոփոխության մասին՝ ԵՄ-ի և ՆԱՏՕ-ի դաշնակիցների ճնշման ֆոնին, նշում է թերթը։

Գերմանիան հրաժարվեց Կիևին զենք մատակարարելու էմբարգոյից, ըստ երևույթին, այն պատճառով, որ Արևմտյան բազմաթիվ դաշնակիցներ մոբիլիզացնում են ուժերը՝ Ուկրաինային հնարավորինս շատ զենք, զինամթերք, հակաօդային պաշտպանության համակարգեր ուղարկելու համար։

Չեղարկումը կարող է նշանակել Ուկրաինային տրամադրվող եվրոպական ռազմական օգնության արագ աճ, քանի որ մայրցամաքում զենքի և զինամթերքի մեծ մասը գոնե մասամբ գերմանական արտադրության է, ինչը Բեռլինին տալիս է օրինական վերահսկողություն դրանց փոխանցման նկատմամբ: Այնուամենայնիվ, Բեռլինի դիրքորոշման փոփոխությունը պարտադիր չէ` նշանակի, որ զենքի մատակարարման բոլոր հարցումները կհաստատվեն, քանի որ յուրաքանչյուր դեպք որոշվում է անհատապես: