Ռուս-ուկրաինական պատերազմի «ռասիստական» լուսաբանումը զայրացրել է համացանցի օգտատերերին

 Ռուսաստանի` Ուկրաինայում ռազմական գորողությունները հանգեցրել է բողոքի ցույցերի ամբողջ աշխարհում: Նմանատիպ շարժում է ձևավորվում նաև համացանցում, երբ շատ օգտատերեր քննադատում են հեռուստաալիքների կողմից իրադարձության լուսաբանումը, հաղորդում է NDTV-ն:

Այս ռեպորտաժների հոլովակները տարածվում են Twitter-ում ու սոցիալական ցանցերի այլ հարթակներում, և օգտատերերը դրանք անվանում են «ռասիստական»:

«Կատարվել է աներևակայելին... Սա զարգացող, երրորդ աշխարհի ժողովուրդ չէ, սա Եվրոպան է»,- ասվում է Բրիտանական ITV-ով հեռարձակված հոլովակում:

Սրա վերաբերյալ մեկ այլ հոլովակում հյուրերից մեկն ասում է. «Մենք թեւավոր հրթիռներ ենք կրակում, կարծես Իրաքում կամ Աֆղանստանում ենք, պատկերացնու՞մ եք»:

Համացանցում տարածվող հոլովակները աշխարհի գրեթե բոլոր հեղինակավոր հեռուստաալիքներից են:

Հոլովակներից մեկում, որը հեռարձակվել է BBC-ով, լսվում է, որ Ուկրաինայի գլխավոր դատախազի տեղակալ Դավիթ Սակվարելիձեն ասում է. «Ինձ համար շատ զգացմունքային է, քանի որ տեսնում եմ, թե ինչպես են սպանում կապույտ աչքերով և շեկ մազերով եվրոպացիներին»:

Twitter-ի օգտատերերը քննադատել են հեռուստատեսային ծրագրերում օգտագործվող բառերի ընտրությունը: «Վայ: Ինչո՞ւ չեն խոսում իրենց խնդրի մասին՝ առանց իրենց համեմատելու։ Ամենից հաճախ հենց իրենք են համաշխարհային խնդրի պատճառը»,- գրել է օգտատերերից մեկը։