Ռուսաստան տարհանված Դոնբասի բնակիչների թիվը հասել Է 137 հազար մարդու

Փետրվարի 18-ից ի վեր   Ռուսաստան տարհանված Դոնեցկի եւ Լուգանսկի ժողովրդական հանրապետությունների բնակիչների թիվը հասել Է 137 հազար մարդու: Այդ մասին մարտի 2-ին ՏԱՍՍ գործակալությանը հաղորդել են ուժային կառույցներում: «Մարտի 2-ի առավոտվա դրությամբ ԴԺՀ-ից եւ ԼԺՀ-ից Ռուսաստանի սահմանը հատել Է 137 հազար մարդ:

Նրանցից 85,5 հազարն Ուկրաինայի քաղաքացիներ են, շուրջ 51 հազարը՝ Ռուսաստանի, ավելի քան 560-ը՝ այլ պետությունների»,-զրուցակիցն ասել Է գործակալությանը: Նրա խոսքով՝ Դոնբասի բնակիչներին ընդունում են արդեն Ռուսաստանի 23 տարածաշրջաններ, որտեղ ժամանակավոր տեղավորման 261 կետերում գտնվում Է մոտավորապես 18,4 հազար մարդ: «Մյուսները տեղավորման համար օգնություն չեն խնդրել»,-հավելել Է աղբյուրը: Փետրվարի 18-ին ԼԺՀ-ի եւ ԴԺՀ-ի -եկավարներ Լեոնիդ Պասեչնիկը եւ Դենիս Պուշիլինը հայտարարել են հանրապետությունների բնակիչներին Ռուսաստանի տարածք տարհանելու մասին՝ կապված մարտական գործողությունների սաստկացող սպառնալիքի հետ: