ԱՄՆ-ն հպատակեցրել է Եվրոպային, ինչպես ժամանակին Նապոլեոնը կամ Հիտլերը․ Լավրով
Համաշխարհային Մամուլ
ԱՄՆ-ն այժմ իրեն ենթարկել է Եվրոպային, ինչպես ժամանակին փորձում էին անել Նապոլեոնն ու Հիտլերը։ Այս մասին հինգշաբթի օրը հայտարարել է ՌԴ ԱԳ նախարար Սերգեյ Լավրովը։
«Գիտե՞ք, ինձ մոտ արդեն առաջ են գալիս հետևյալ համեմատությունները. ժամանակին և՛ Նապոլեոնը, և՛ Հիտլերը խնդիր էին դրել իրենց ենթարկեցնել Եվրոպան, հիմա ամերիկացիներն են նույնն անում», - ասել է արտգործնախարարը։ «ԱՄՆ-ն թույլ չի տա Եվրոպային ունենալ ռազմավարական ինքնավարություն»,֊ասել է նա։
ՆԱՏՕ-ն համառորեն ձգտում է պահպանել իր գերազանցությունը ցանկացած ոլորտում, հավելել է Լավրովը։ «Ինչո՞ւ պետք է ՆԱՏՕ-ն պահպանի նման դիրքորոշում։ Ես այլ բացատրություն չեմ տեսնում, քան ցանկացած ոլորտում իր գերազանցությունը պահպանելու համառ ցանկությունը և բոլորին ցույց տալու, որ Եվրոպայում կարգուկանոնը թելադրողը ՆԱՏՕ-ն է»,- ասել է նա: «Ինչ վերաբերում է նրան, որ դաշինքը պաշտպանական է, այդ ամենը խոսակցություն է, ինչպես ասում ենք՝ «հօգուտ աղքատների»»,- հավելել է ՌԴ ԱԳ նախարարը։
Նրա խոսքով՝ Ռուսաստանը դեռ պատրաստ է շարունակել երկխոսությունը ՆԱՏՕ-ի հետ։ «Մենք դեռ բաց ենք զրույցի համար, այն, այնուամենայնիվ, մի օր կլինի»,- ասել է Լավրովը։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
