Մալիում ահաբեկիչները 27 զինվորականի են սպանել

Մալիի ռազմաբազայի վրա գրոհայինների հարձակման հետևանքով՝ առնվազն 27 մարդ է զոհվել։ Այս մասին հայտնում է Agence France-Presse-ը՝ հղում անելով երկրի զինված ուժերին։

Գործակալության տվյալներով՝ մի քանի հարյուր գրոհայիններ հարձակվել են Մալիի կենտրոնական Մոնդորո քաղաքի մոտ տեղակայված բազայի վրա։ Զոհվել է 27 զինծառայող, ևս 33-ը ստացել է տարբեր աստիճանի մարմնական վնասվածքներ։ 7 զինվոր անհետ կորել է։

Ինչպես նշել են զինված ուժերում, 47 ահաբեկիչ տեղում ոչնչացվել է, ևս 23-ը սպանվել է «մաքրման գործողության» ընթացքում։