ԱՄՆ-ից հրահանգիչները վարժեցրել են ուկրաինական զորամիավորումներին. ՌԴ ՊՆ
Ռուսաստան
Ուկրաինական զորամիավորումները, որոնք պլանավորել են օգտագործել Դոնբասում, վարժեցվել են ամերիկացի եւ բրիտանացի հրահանգիչների կողմից: Այդ մասին մարտի 9-ին հայտարարել Է ՌԴ պաշտպանության նախարարության պաշտոնական ներկայացուցիչ գեներալ-մայոր Իգոր Կոնաշենկովը:
«Հատուկ նշեմ, որ Ուկրաինայի գրոհիչ-դեսանտային զորքերը ամերիկացի եւ բրիտանացի հրահանգիչների կողմից 2016 թվականից Լվովում վարժեցվում են «նատօյական չափորոշիչի» պատրաստման ծրագրերով»,-ասել Է Կոնաշենկովը: Նա պարզաբանել Է, որ խոսքն Ուկրաինայի ազգային գվարդիայի օպերատիվ նշանակության բրիգադի 4-րդ տակտիկական-գումարտակային խմբի մասին Է:
Ռուսաստանի զինվորականների տրամադրության տակ հայտնված փաստաթղթերի համաձայն, այն պլանավորվել Է վերաենթարկել Ուկրաինայի 80-րդ առանձին գրոհիչ-դեսանտային բրիգադին եւ Դոնբասում, որպես հարվածային խմբավորումներից մեկը, հարձակողական գործողությունների համար օգտագործել այսպես կոչված «միավորված ուժերի գործողության» գոտում, հաղորդել Է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
