Սաուդյան Արաբիայում իրականացվել է վերջին տասնամյակների ամենամեծ զանգվածային մահապատիժը

Սաուդյան Արաբիան իրականացրել է վերջին տասնամյակների ամենախոշոր զանգվածային մահապատիժը, որի ժամանակ գլխատվել է 81 մարդ։ Այս մասին հայտնում է Associated Press-ը։

Հրատարակությունը նշում է, որ մահապատժի ենթարկվածները դատապարտվել են տարբեր հանցագործությունների, այդ թվում՝ սպանությունների, «Ալ-Քաիդա» և «Իսլամական պետություն» ահաբեկչական կազմակերպություններին հարելու, ինչպես նաև «Անսար Ալլահ» շարժման եմենցի ապստամբներին օգնելու համար։

Մարտի 12-ին մահապատժի ենթարկված հանցագործների թիվը գերազանցել է 1980 թվականի զանգվածային մահապատիժը։ Այնուհետև իշխանությունները մահապատժի են ենթարկել 63 զինյալների, ովքեր պատանդներ էին վերցրել Մեքքա քաղաքի ամենամեծ մզկիթում 1979 թվականին։ Նշվում է, որ համաճարակի ֆոնին նկատվել է մահապատժի իրականացված դատավճիռների թվի նվազում, սակայն իշխանություններն ամբողջությամբ չեն հրաժարվել դրանցից։