«Եվրամիության գրեթե բոլոր երկրները, բացառությամբ Ֆրանսիայի, արդեն «պառկել են» ԱՄՆ-ի տակ». Լավրով
Տեսանյութեր«Եվրամիության գրեթե բոլոր երկրները, բացառությամբ Ֆրանսիայի, արդեն «պառկել են» ԱՄՆ-ի տակ». Այս մասին այսօր՝ մարտի 16-ին, ուղիղ եթերի ժամանակ ասել է ՌԴ ԱԳՆ նախարար Սերգեյ Լավրովը:
Նրա խոսքով՝ ԵՄ-ն պատրաստ է ցանկացած ձևով ընդունել ԱՄՆ-ի թելադրած աշխարհակարգը։ Միայն Ֆրանսիայի առաջնորդ Էմանուել Մակրոնն է մինչ այժմ հիշեցնում համայնքի անդամներին ԵՄ ռազմավարական ինքնավարության անհրաժեշտության մասին։
«Ոչ ոք թույլ չի տա, որ դա արվի, և Եվրամիության մյուս անդամներն արդեն «պառկել են» ամերիկացիների տակ, ինչպես ասում են»,- ասել է ՌԴ ԱԳՆ ղեկավարը։
Ավելի վաղ Մակրոնն ընդգծել էր, որ Ֆրանսիան չի պատերազմում Ռուսաստանի հետ, այլ, դաշնակիցների հետ միասին, հակահարված է տալիս նրան պատժամիջոցների, ինչպես նաև դիվանագիտական և տնտեսական ճնշման միջոցով։ Նա նաև կոչ է արել հարգել Ռուսաստանի Դաշնությանը և ռուս ժողովրդին։
ՌԴ ԱԳՆ պաշտոնական ներկայացուցիչ Մարիա Զախարովան դժգոհել էր, որ ԱՄՆ-ը ճնշում է այլախոհությունը համաշխարհային բոլոր կառույցներում և փորձում է դրանք ստորադասել իր քաղաքական շահերին։ Դա, ըստ նրա, վերաբերում է նաև ոչ քաղաքական ոլորտներին, մասնավորապես՝ սպորտին։