Ռուսաստանը բոլոր ջանքերը կգործադրի Չեռնոբիլի ատոմակայանի անվտանգությունն ապահովելու համար․ Զախարովա

Ռուսաստանը կշարունակի գործադրել բոլոր ջանքերը՝ Չեռնոբիլի ատոմակայանի անվտանգությունն ապահովելու համար, հինգշաբթի օրը ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՏԱՍՍ֊ը։ «Մենք մտադիր ենք շարունակելու գործադրել բոլոր ջանքերը՝ այս հաստատության անվտանգությունն ապահովելու համար», - ասել է նա։

Դիվանագետն ընդգծել է, որ Չեռնոբիլի ատոմակայանը ռուս զինվորականների հսկողության տակ վերցնելն իրականացվել է այնպես, որ չվնասվի դրա անվտանգությանը։ Նա նշել է, որ ռադիացիոն ֆոնը մնում է նորմալ, ինչը հաստատում է ՄԱԳԱՏԷ-ն։ «Այնուամենայնիվ, Կիևի ռեժիմի կողմից վերահսկվող կազմավորումները սադրանքներ են իրականացնում, դրանք ուղղված են այս գոտու շուրջ արտակարգ իրավիճակ ստեղծելուն», - ասել է Զախարովան։

Նման սադրանքները, ըստ ՌԴ ԱԳՆ պաշտոնական ներկայացուցչի հայտարարության, Արևմուտքն օգտագործում է հակառուսական հիստերիա հրահրելու համար։ «Սեփական միջուկային օբյեկտների վրա հարձակումներն արդեն դառնում են Ուկրաինայում իշխող վարչակարգի բնորոշ հատկանիշը: Դրա մեղքն ամբողջությամբ ընկնում է Կիևի վրա և, իհարկե, Ուկրաինայի նախագահ Վոլոդիմիր Զելենսկու և ՆԱՏՕ-ում ԱՄՆ վասալների տերերի վրա»,֊ասել է նա։