ԱՄՆ-ն խորհրդային արտադրության ՀՕՊ համակարգեր է մատակարարում Ուկրաինային

ԱՄՆ-ն Ուկրաինային մատակարարում է խորհրդային արտադրության հակաօդային պաշտպանության համակարգեր, որոնք գաղտնի ձեռք են բերել մի քանի տասնամյակ առաջ։ Այս մասին հայտնում է The Wall Street Journal-ը՝ վկայակոչելով ԱՄՆ կառավարության անանուն անդամին։

«Մենք շարունակում ենք աշխատել մեր դաշնակիցների և հիմնական գործընկերների հետ՝ ավելացնելու ամենօրյա նոր օգնությունն Ուկրաինային, ներառյալ խորհրդային կամ ռուսական արտադրության ՀՕՊ համակարգերը և դրանք օգտագործելու համար անհրաժեշտ զինամթերքը», - ասել է ամերիկացի պաշտոնյան։

Նա նշել է, որ խոսքը 1970-ականների սկզբին խորհրդային բանակում ընդունված «Օսա» զենիթահրթիռային համակարգի մասին է։ Սակայն Ուկրաինա մատակարարումների մեջ չի եղել Ս-300 համալիր, որը, ըստ աղբյուրի, ամերիկացիները ձեռք են բերել Բելառուսում 1994 թվականին։