Իսրայելն արգելել է Pegasus լրտեսող ծրագրերի վաճառքն Ուկրաինային. WP

Իսրայելցի զինվորականները թույլ չեն տվել Ուկրաինային ձեռք բերել Pegasus լրտեսող ծրագրերը՝ վախենալով ռուսական արձագանքից:

Այս մասին գրում է Washington Post-ը՝ վկայակոչելով արեւմտյան հետախուզության աղբյուրներին ու ներկայացուցիչներին։ Իսրայելի պաշտոնյաները վախենում են քայլերից, որոնք կհանգեցնեն Ռուսաստանի հետ առճակատման։

Pegasus-ը սմարթֆոնների ամենաբարդ լրտեսող ծրագրերից մեկն է: Ծրագիրը մշակվել է NSO Group-ի կողմից: Android կամ iOS համակարգերը վարակելուց հետո սմարթֆոնները վերածվում են լիարժեք հետևելու սարքերի։

Իսրայելի պաշտպանության արտահանման վերահսկման գործակալությունը մերժել է լիցենզիան, որը թույլ է տալիս NSO Group-ին վաճառել Ուկրաինային: Ենթադրվում է, որ դա տեղի է ունեցել դեռևս 2019 թվականին, բայց ճշգրիտ ժամանակը պարզ չէ:

Իսրայելի պաշտպանության նախարարությունը խոստովանել է, որ Pegasus լիցենզիա տրամադրելիս հաշվի է առնում գործոնների լայն շրջանակ: Արտահանման վերահսկողության քաղաքականության որոշումները հաշվի են առնում անվտանգության և ռազմավարական նկատառումները, որոնք ներառում են միջազգային պայմանագրերի պահպանումը:

Թվային տրանսֆորմացիայի նախարար Միխայիլ Ֆեդորովը պարբերականի հետ զրույցում չի հաստատել Pegasus գնելու Ուկրաինայի մտադրությունը, սակայն խոստովանել է, որ պետությունը իսրայելական տեխնոլոգիաներ է ցանկանում գնել։