Black Lives Matter-ի առաջնորդները կասկածվում են նվիրատվությունների միջոցով շքեղ տուն գնելու մեջ

Black Lives Matter շարժման առաջնորդները մեղադրվել են Կալիֆորնիայում 6 միլիոն դոլար արժողությամբ առանձնատուն գնելու մեջ: New York Magazine-ը հայտնում է, որ ակտիվիստները գույքը գնել են նվիրատվությունների միջոցով։

Սևամորթ բնակչության իրավունքների պաշտպանությամբ զբաղվող BLM-ի առաջնորդների առանձնատունն ունի առնվազն վեց ննջասենյակ և լոգասենյակ, մի քանի բուխարի, լողավազան և 20 մեքենայի համար նախատեսված կայանատեղի, գրում է Baza-ն՝ վկայակոչելով ամերիկյան լրատվամիջոցներին։

Ամերիկացի լրագրողները ավելի վաղ ուշադրություն են հրավիրել YouTube-ում հրապարակված տեսանյութի վրա, որտեղ երևում է, որ Black Lives Matter-ի առաջնորդներ Պատրիս Կուլորսը, Ալիսիա Գարզան և Մելինա Աբդուլլահը առանձնատան բակում քննարկում են աֆրոամերիկացիների իրավունքների ոտնահարումը և շարժման վրա հարձակումները:

Հետաքննության ընթացքում New York Magazine-ի լրագրողները պարզել են, որ Կալիֆորնիայի 6 միլիոն դոլար արժողությամբ առանձնատունը գնվել է գաղտնի, քանի որ այն վճարվել է նվիրատվությունից ստացված գումարով։ Այժմ BLM-ի ղեկավարները պնդում են, որ տունը գնել են ոչ թե իրենց անձնական կարիքների համար, այլ դրա հիման վրա «կազմակերպության ստեղծագործական և մշակութային ստորաբաժանում» ստեղծելու նպատակով։