Մոսկվան կպատասխանի Ռուսաստանի դեմ յուրաքանչյուր ոչ բարեկամական գործողության․ Զախարովա

Ռուսաստանը Մոսկվայի դեմ ուղղված յուրաքանչյուր ոչ բարեկամական քայլի պատասխանելու է։ Այս մասին չորեքշաբթի օրը՝ ապրիլի 6-ին, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ «Յուրաքանչյուր նման անբարյացակամ արարքի համար մենք համապատասխան պատասխան կտանք»,- ասել է գերատեսչության ներկայացուցիչը։ Նա նշել է, որ Արևմուտքի վերջին գործողությունները, որոնք վերաբերում են երկրներից դիվանագետների արտաքսմանը, հանգեցնում են երկկողմ հարաբերությունների խարխլմանը։ Միաժամանակ Զախարովան ընդգծել է, որ նույնիսկ արևմտյան կողմի սահմանած պատժամիջոցները պահանջում են դիվանագիտական գործողյություն, փոխանցում է ՏԱՍՍ-ը։

Մինչ այդ՝ հայտնի էր դարձել, որ Լատվիան երկրից արտաքսում է 13 ռուս դիվանագետների։ Երկրից մոտ 25 ռուս դիվանագետների արտաքսելու որոշում է կայացրել նաեւ Իսպանիան։

Եվրամիությունը քննարկում է Ռուսաստանի դեմ նոր պատժամիջոցները՝ կապված ուկրաինական Բուչա քաղաքում տեղի ունեցած իրադարձությունների հետ։ Արևմուտքը Ռուսաստանին մեղադրել է «վայրագությունների» մեջ, ՌԴ ՊՆ-ն հրապարակված նյութերը սադրանք է անվանել։ Գերատեսչությունը, մասնավորապես, ուշադրություն է հրավիրել այն փաստի վրա, որ ռուսական «դաժանությունների» ապացույցները հայտնվել են ուկրաինական բանակի քաղաք մուտք գործելուց չորս օր անց։