«Մայիսի 4-ին Ռուսաստանը կարող է բախվել դեֆոլտի»․ Անտոն Սիլուանով

Այսօր՝ ապրիլի 6-ին,  Ռուսաստանի ֆինանսների նախարարությունը հայտնել է, որ օտարերկրյա բանկը հրաժարվել է ապրիլի 4-ին մարման ժամկետանց ռուսական պարտատոմսերի արժեկտրոնային եկամուտների վճարման հանձնարարականից։ Փաստորեն, Ռուսաստանին այժմ սպառնում է դեֆոլտ։ Սովորաբար, այն բանից հետո, երբ երկիրը կամ ընկերությունը չի վճարում վերցված պարտքերի գծով պարտավորությունները, նրանց տրվում է մեկամսյա ժամկետ՝ վճարում կատարելու կամ դրա դիմաց գումար գտնելու համար: Այս դեպքում հնարավոր է, օրինակ, ստանալ առանձին թույլտվություն կոնկրետ վճարում կատարելու համար։

Ավելի վաղ ֆինանսների նախարար Անտոն Սիլուանովը հայտարարել էր, որ եթե վճարումը ձախողվի, ապա ֆինանսների նախարարությունը պարտքերի դիմաց վճարումները կփոխանցի ռուբլու միջոցով, սակայն արևմտյան վարկատուներին դժվար թե դուր գա այդ մեթոդը: Եթե ​​ֆինանսների նախարարությունը կտրոնները վճարելու տարբերակ չգտնի, ապա Ռուսաստանի դեֆոլտը այսպիսով կգա մայիսի 4-ին։

Սա ևս մեկ ցնցող իրադարձություն կլինի շուկաների և ռուբլու փոխարժեքի համար։ Այնուամենայնիվ, դեֆոլտը հիմնովին չի փոխի իրավիճակը, քանի որ շատ օտարերկրյա ներդրողներ արդեն լքել են ռուսական ակտիվները, իսկ Կենտրոնական բանկը սահմանափակել է մնացած օտարերկրացիների՝ կապիտալը երկրից դուրս բերելու հնարավորությունը: