Լուկաշենկոն ու Պուտինը հանդիպում կունենան

Բելառուսի նախագահ Ալեքսանդր Լուկաշենկոն և ՌԴ նախագահ Վլադիմիր Պուտինը առաջիկայում հանդիպում կունենան։ Այս մասին հայտարարել է ինքը՝ Ալեքսանդր Լուկաշենկոն, գրում է Ռիա Նովոստին։

«Առաջիկայում մենք կհանդիպենք Ռուսաստանի նախագահի հետ: Կցանկանայի իմանալ, թե որոնք են այն խնդիրները, որոնք մենք պետք է լուծենք նախագահների մակարդակով»,- ասել է Լուկաշենկոն։

Բելառուսի Անվտանգության խորհրդի նիստի ժամանակ Բելառուսի նախագահը հարցրել է, թե որքա՞ն արդյունավետ են իրականացվում բելառուսառուսական համաձայնագրերը փոխադարձ աջակցության վերաբերյալ։