Ռուսական ածխի արգելքի ժամկետի վերաբերյալ Գերմանիան ճնշում է գործադրել ԵՄ-ի վրա. Reuters

Գերմանական իշխանությունների ճնշման ներքո Եվրոպան որոշեց հետաձգել ռուսական ածխի ներկրման ամբողջական արգելքի ժամկետը։ Այս մասին հայտնում է Reuters գործակալությունը՝ հղում անելով իր աղբյուրին։

Հրատարակության համաձայն՝ ԵՄ հանձնաժողովն ի սկզբանե առաջարկել է եռամսյա ժամկետ՝ գործող պայմանագրերի դադարեցման համար, բայց Գերմանիան, որը ռուսական ածուխի հիմնական ներկրողն է, դեմ էր նման պայմաններին։

Այժմ այդ ժամկետը կերկարացվի մինչև չորս ամիս, ինչը նշանակում է, որ Ռուսաստանի Դաշնությունը կարող է մինչև այս տարվա օգոստոս ածուխ արտահանել ԵՄ։