«Անգամ վերջին դատաստանի ժամանակ ես չեմ հրաժարվի իմ խոսքերից»․ Եկատերինբուրգի նախկին քաղաքապետ

RT ռուսական լրատվամիջոցը հայտնել է, որ Եկատերինբուրգի նախկին քաղաքապետ Եվգենի Ռոյզմանը կրկին տուգանվել է 50 հազար ռուբլով հակապատերազմական արտահայտությունների համար։ 

 

Տուգանքի պատճառը Ռոյզմանի արտահայտությունն էր՝ «Պատերազմը Ուկրաինայի հետ՝ սարսափելի, ծիծաղելի ու ամենաստոր, ամոթալի և անարդար պատերազմն է եղել Ռուսաստանի պատմության մեջ»։

 

Մեկնաբանելով իր հայտարարությունը և հարուցված գործը՝ Ռոյզմանը հավելել է. «Անգամ վերջին դատաստանի ժամանակ ես չեմ հրաժարվի իմ խոսքերից»:

 

Մարտի վերջին Եկատերինբուրգի դատարանը Եվգենի Ռոյզմանին 50,000-ական ռուբլու չափով երկու տուգանք է նշանակել՝ նման հայտարարությունների համար։