Ռուս նկարչուհուն սպառնում է մինչև 10 տարվա ազատազրկում

Սանկտ Պետերբուրգի նկարչուհի Սաշա Սկոչիլենկոյին մինչև հունիսի 1-ը բանտ են ուղարկել, նա մեղադրվում է խանութում գնային պիտակները Մարիուպոլում ռուս զինվորականների գործողությունների մասին տեղեկություններ պարունակող թռուցիկներով փոխարինելու մեջ։ Նրան սպառնում է մինչև 10 տարվա ազատազրկում «Ռուսաստանի զինված ուժերի մասին կեղծ լուրեր տարածելու համար՝ հիմնված քաղաքական թշնամանքի վրա»։

 

Խափանման միջոցի գործով դատաքննությունը շարունակվել է 5 ժամ։ Դատավորը քննիչների պահանջով որոշել է նիստն անցկացնել դռնփակ։ Այս մասին տեղեկացնում է ԲիԲիՍի լրատվամիջոցը։

 

«Ես չէի սպասում նման աջակցություն, որ այդքան մարդ կգա։ Այստեղ բոլորն ինձ ոգեշնչում են, որ դու ինչ-որ վատ բան ես անում, եթե խաղաղության կողմնակից ես, բայց մարդկանց աջակցությունը ցույց է տալիս, որ դա այդպես չէ», - ասել է Սկոչիլենկոն Paper թերթի իր նախկին գործընկերներին:

 

Ըստ Paper-ի՝ Սկոչիլենկոյին պախարակել է խանութի գնորդը: Նկարչուհին խոստովանել է թռուցիկների տարածումը, սակայն դրանցում առկա տեղեկությունը կեղծ չի համարում։ Սանկտ Պետերբուրգի և այլ քաղաքների խանութներում նման գործողությունների համար ակտիվիստներին բերման են ենթարկել, սակայն նրանց մեղադրանք է առաջադրվել ոչ թե քրեական, այլ բանակը վարկաբեկելու վարչական հոդվածով։