Պեկինը միջոցներ կձեռնարկի ԱՄՆ կոնգրեսականների Թայվան այցի կապակցությամբ. Չինաստանի ԱԳՆ
Համաշխարհային Մամուլ
Չինաստանի իշխանությունները եռանդուն քայլեր կձեռնարկեն ԱՄՆ կոնգրեսականների Թայվան այցի հետ կապված, քանի որ նրանք այս այցը համարում են ոտնձգություն ՉԺՀ-ի ինքնիշխանության դեմ։ Այս մասին ուրբաթ օրը հայտարարել է Չինաստանի ԱԳՆ պաշտոնական ներկայացուցիչ Չժաո Լիջյանը, գրում է ՏԱՍՍ֊ը։
«Մենք կտրականապես դեմ ենք Վաշինգտոնի և Թայբեյի միջև որևէ պաշտոնական շփման,- ասել է նա ճեպազրույցում:- Չինաստանը կշարունակի ձեռնարկել եռանդուն միջոցներ և վճռականորեն պաշտպանելու է իր ինքնիշխանությունը, ինչպես նաև իր տարածքային ամբողջականությունը»:
Դիվանագետի խոսքով՝ ԱՄՆ կոնգրեսականները պետք է ենթարկվեն «մեկ Չինաստանի» սկզբունքին և անհապաղ դադարեցնեն փոխգործակցությունը Թայբեյի հետ, ինչպես նաև «զերծ մնան անպատասխանատու հայտարարություններից»։
Ինչպես պարզաբանել է Չժաո Լիջյանը, ԱՄՆ-ի մեղքով իրավիճակը Թայվանի նեղուցում գնալով ավելի է սրվում։ Նա նաև հիշեցրել է, որ որոշ արևմտյան քաղաքական գործիչներ սխալմամբ փորձում են մատնանշել Ուկրաինայի ճգնաժամի և Թայվանի խնդրի նմանությունը։
Ամենադիտված 
Մնաս բարյավ. Րաֆֆի Հովհաննիսյան
