Ուկրաինայի ԳՇ֊ն հայտնել է՝ քանի զոհ ունի ռուսական կողմը

Պատերազմի սկզբից ի վեր Ուկրաինայի զինված ուժերը ոչնչացրել են 756 ռուսական տանկ, 163 ինքնաթիռ, 144 ուղղաթիռ և 66 հակաօդային պաշտպանության համակարգ։

Փետրվարի 24-ից ապրիլի 15-ը Ուկրաինայի տարածքում ռուսական զորքերի անձնակազմի ընդհանուր կորուստները կազմել են մոտ 20 000 մարդ։ Այս մասին հայտնել են Ուկրաինայի զինված ուժերի գլխավոր շտաբից, գրում է korrespondent֊ը։

Ընդգծվում է, որ տվյալները ճշտվում են, քանի որ ռազմական գործողությունների բարձր ինտենսիվությունը դժվարացնում է հաշվարկը։

Ավելի վաղ հաղորդվել էր, որ շրջափակված Մարիուպոլում Ազովի գունդը սպանել է ավելի քան 2000 ռուս զինվորի։