Ալբանիայի վարչապետին հեռացրել են Գերմանիայից Դետրոյթ մեկնող չվերթից. ԶԼՄ
Համաշխարհային Մամուլ
Գերմանիայի իրավապահ մարմիններն Ալբանիայի վարչապետ Էդի Ռամային հեռացրել են Ֆրանկֆուրտ-Դետրոյթ չվերթից ՝ համավարակի պայմաններում պաշտպանիչ դիմակ կրելուց հրաժարավելու պատճառով: Այս մասին ուրբաթ հայտնել է МКД.МК հյուսիսմակեդոնական պորտալը:
Աղբյուրի տվյալներով՝ միջադեպը տեղի է ունեցել Ֆրանկֆուրտի օդանավակայանում անցյալ տարվա դեկտեմբերին, երբ ալբանացի վարչապետը սպասելիս է եղել դեպի Դետրոյթ թռիչքին:
Պորտալի փոխանցմամբ՝ բորտուղեկցորդների թիմը, ինչպես նաեւ ինքնաթիռի հրամանատարը պնդել են, որ Ռաման հետեւի ընդհանուր համաճարակաբանական կանոններին, սակայն վերջինս կտրականապես հրաժարվել է դիմակ կրել: Արդյունքում, չվերթի ուղեւորների վկայության համաձայն, ոստիկանություն է կանչվել, որն էլ որոշում է կայացրել թռիչքից հեռացնել Ռամային եւ նրա պատվիրակության անդամներին, որոնք տասն էին:
Վերջնական արդյունքում, Գերմանիայի ԱԳՆ ներկայացուցիչների հետ բանակցություններից հետո Ռաման համաձայնել է տեղի իշխանությունների պահանջին: Այդպիսով, խնդիրը կարգավորվել է, եւ ողջ կառավարական պատվիրակությունը հաջորդ չվերթով մեկնել է Դետրոյթ:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
