Թուրքական ընդդիմությունը Էրդողանին մեղադրել է Սիրիայում պատերազմ սանձազերծելու մեջ. Haberturk

Թուրքիայի ընդդիմադիր «Բարօրություն» կուսակցության նախագահ Թեմել Քարամոլլաօղլուն հայտարարել է, որ Թուրքիայի նախագահ Ռեջեփ Թայիփ Էրդողանի գլխավորած կուսակցությունը պատերազմ է սանձազերծել Սիրիայում։ Այս մասին հայտնում է ТАСС-ը՝ հղում անելով Habertürk հեռուստաալիքին։

«Ցավոք, Թուրքիան առաջին քայլերն է արել Սիրիան խառնելու համար։ Դրանք ձեռնարկվել են [Էրդողանի գլխավորած] «Արդարություն և զարգացում» կուսակցության կողմից: Մենք երբեք հավանություն չենք տվել դրան: Սիրիան վերածվել է արյան բաղնիքի»,- ասել է քաղաքական գործիչը՝ հավելելով, որ անհրաժեշտ է լուծել Թուրքիայում գտնվող 30 միլիոն սիրիացի փախստականների խնդիրը։

Ավելի վաղ հաղորդվել էր, որ Իրաքյան Քրդստանի վարչապետ Մասրուր Բարզանին կայցելի Թուրքիա, որտեղ կհանդիպի Թուրքիայի նախագահ Ռեջեփ Թայիփ Էրդողանի հետ։ Այցը տեղի է ունենում Թուրքիայում և ԵՄ-ում ահաբեկչական ճանաչված Քրդական աշխատավորական կուսակցության դեմ թուրքական ռազմական գործողության ֆոնին:

Բացի այդ, քրդական գործոնը էական դեր է խաղում Սիրիայի քաղաքացիական պատերազմին Թուրքիայի մասնակցության հարցում։ Մասնավորապես, թուրքական զինուժը բազմիցս հայտարարել է Սիրիայի հյուսիսում քրդերի կողմից հարձակումների մասին։